linkedin facebook linkedin facebook nod32

Monoalfavitli almashtirish algoritmi yordamida shifrlashga misol

Muallif: Mengliyev SH.

Qo`shilgan sana: 2014-08-05

Monoalfavitli almashtirish algoritmi yordamida shifrlashga misol


Almashtirish (podstanovka) usullarining mohiyati bir alfavitda yozilgan axborot simvollarini boshqa alfavit simvollari bilan ma’lum qoida bo‘yicha almashtirishdan iboratdir. Eng sodda usul sifatida to‘g‘ridan to‘g‘ri almashtirishni ko‘rsatish mumkin. Dastlabki axborot yoziluvchi A0 alfavitning s0i simvollariga shifrlovchi A1 alfavitning s1i simvollari mos quyiladi. Oddiy holda ikkala alfavit ham bir xil simvollar to‘plamiga ega bo‘lishi mumkin.
Ikkala alfavitdagi simvollar o‘rtasidagi moslik ma’lum algoritm bo‘yicha K simvollar uzunligiga ega bo‘lgan dastlabki matn T0 simvollarining raqamli ekvivalentlarini o‘zgartirish orqali amalga oshiriladi.
Monoalfavitli almashtirish algoritmi quyidagi qadamlar ketma-ketligi ko‘rinishda ifodalanishi mumkin
1-qadam. [1xR] o‘lchamli dastlabki A0 alfavitdagi har bir simvol s0 Є T(i=1,K) ni A0 alfavitdagi s0i simvol tartib raqamiga mos keluvchi h0i(s0i) conga almashtirish yo‘li bilan raqamlar ketma-ketligi L0h ni shakllantirish.
2-qadam. L0h ketma-ketligining har bir sonini   h1i =(k1x h0i(s0i)+ k2)(mod R) formula orqali hisoblanuvchi L1h ketma-ketlikning mos soni h1i ga almashtirish yo‘li bilan L1h son ketma-ketligini shakllantirish, bu erda k1-o‘nlik koeffitsent; k2-siljitish koeffitsenti. Tanlangan k1, k2 koeffitsentlar h0i h1i sonlarning bir ma’noli mosligini ta’minlashi lozim, h1i=0 olinganida esa h1i=R almashinuvi bajarilishi kerak:

 

1.1.  rasm. SHifrlash usullarining klassifikatsiyasi.

3-qadam. L1h ketma-ketlikning har bir soni h1i(s1i)ni [1xR] o‘lchamli shifrlash alfavitning mos s1i Є T1(i=1,K) simvoli bilan almashtirish yo‘li bilan T1 shifrmatnni hosil qilish.
4-qadam. Olingan shifrmatn o‘zgarmas b uzunlikdagi bloklarga ajratiladi. Agar oxirgi blok to‘liq bo‘lmasa blok orqasiga maxsus simvol-to‘ldiruvchilar joylashtiriladi (masalan, *).

Misol. SHifrlash  uchun dastlabki ma’lumotlar quyidagilar

Т0=<Ҳимоя_хизмати>
А0=<АБВГДЕЁЖЗИЙКЛМНОПРСТУФХЦЧШЬЪЭЮЯЎҚҒҲ_>
А1=<ОРЁЬЯТЭ-ЖМЧХАВДЙФҚКСЕЗПИЦГҲЛЪШБУЮ ҚГН>
R=36; k1=3; k2=15; b=4

Algoritmning qadamba-qadam bajarilishi quyidagi natijalarni olinishiga olib keladi.

1-qadam. Loh=<35,10,14,16,31,36,23,10,9,14,1,20,10>
2-qadam. L1h=<12,9,21,17,36,14,12,9,6,21,18,3,9>
3-qadam. Т1=<ХЖЕФНВҲЖТЕҚЁЖ>

4-qadam. Т1=<ХЖЕФ  НВҲЖ  ТЕҚЁ  Ж***>

Rasshifrovka qilishda bloklar birlashtirilib K simvolli shifrmatn T1 hosil qilinadi. Rasshifrovka qilish uchun quyidagi butun sonli tenglamani echish lozim:
k1h01+k2=nR+h1i
k1, k2, h11 va R butun sonlar ma’lum bo‘lganda h0i kattaligi n ni saralash orqali hisoblanadi. Bu muolajani shifrmatnning barcha simvollariga tadbiq qilish uning rasshifrovka qilinishiga olib keladi.
Almashtirish usulining kamchiligi sifatida dastlabki va berilgan matnlar statistik xarakteristkalarining bir xilligidir. Dastlabki matn qaysi tilda yozilganligini bilgan kriptoanalitik ushlab qolingan axborotlarni statistik ishlab, ikkala alfavitdagi simvollar o‘rtasidagi muvofiqlikni aniqlashi mumkin.

2975 marta o`qildi.

Parol:
Eslab qolish.


Ro`yhatdan o`tish

testing

+998915878681

Siz o`z maxsulotingizni 3D reklama ko`rinishda bo`lishini xohlaysizmi? Unda xamkorlik qilamiz.

3D Reklama


Рейтинг@Mail.ru
Рейтинг@Mail.ru

Besucherzahler
счетчик посещений